உங்கள் கம்ப்யூட்டர் சந்தேகங்களை அனுப்பும்பொழுது உங்கள் பெயர், ஊர் மற்றும் நீங்கள் பயன்படுத்தும் விண்டோஸ் புரோகிராம் (Operating System) என்ன என்பதையும் என் ஈமெயில் முகவரிக்கு தெரியப்படுத்துங்கள் mdkhan@gmail.com

Tuesday, 15 November 2011

புதிதாக லேப்டாப் வாங்குபவருக்கு வரும் பிரச்சனையும் அதன் தீர்வும்....



பின்னூட்டம் கொடுத்த நண்பர்களுக்கு நன்றி !

நீங்கள் புதிதாக லேப்டாப் வாங்கும்பொழுது உங்கள் லேப்டாப் கீ போர்டில் மேலே உள்ள நம்பர்களில்  2 என்ற பட்டனுடன் சேர்ந்துள்ள @ என்ற பட்டனை அழுத்தி @ என்ற குறியீடை நீங்கள் டைப் செய்யும்பொழுது அந்த @ க்கு பதிலாக
L பட்டனுக்கு அருகிள் உள்ள " என்ற குறியீடு வருகிறதா ? இதை சரி செய்வது எப்படி ?

என் லேப்டாப்பில் நான் என் ஈமெயில் முகவரியை டைப் செய்யும்பொழுது Shift + 2 பட்டனை கிளிக் செய்து @ என்ற குறியீடை நான் டைப் செய்ய முயற்ச்சி செய்த பொழுது இங்கு காண்பதுபோல் " என்ற குறியீடுதான் வந்தது. இதனை நான் எப்படி சரிசெய்தேன் என இந்த பாடத்தில் சொல்லி இருக்கிறேன். இந்த பிரச்சனை உங்கள் லேப்டாப்பிலோ அல்லது உங்கள் நண்பர்கள் லேப்டாப்பிலோ இருந்தால் இதுபோல் நீங்களும் இதனை சரி செய்துகொள்ளலாம்..





1) முதலில் Start > Control Panel செல்லுங்கள்




2) அடுத்து Large Icon செலெக்ட் செய்து Region and Language என்பதை கிளிக்  செய்யுங்கள்



3) இதில் Format ல் United Kingdom என்று இருப்பதை நீங்கள் பார்க்கலாம்.



4) இதனை ஓப்பன் செய்து United State என்பதை செலெக்ட் செய்யுங்கள்.





5) மாற்றிய பிறகு Apply பட்டனை கிளிக் செய்துகொள்ளுங்கள்.




6) அடுத்ததாக Keyboard and Language என்ற ஆப்சனில் உள்ள Change Keyboards என்ற பட்டனை கிளிக் செய்யுங்கள்.





7)  இந்த ஆப்சனிலும் United Kingdom என்று குறிப்பிடப்பட்டு இருப்பதை நீங்கள் பார்க்கலாம்




8) இதில் Add பட்டனை கிளிக் செய்யுங்கள்.




9) இதில் United State என்று குறிப்பிட்ட இடத்தில் உள்ள United State International & US என்ற இரண்டு இடத்தையும் டிக் செய்து ok செய்து கொள்ளுங்கள்.





10) உடனே United State Option இதுபோல் வந்துவிடும். இதனை மவுசால் செலெக்ட் செய்துகொண்டு அருகில் உள்ள Move Up என்ற பட்டனை கிளிக் செய்யுங்கள்.



11)  இப்பொழுது மேலே Default Input Language என்ற இடத்தில் உள்ள United Kingdom என்று இருந்த இடத்தை ஓப்பன் செய்து  English (United State) - US என மாற்றிக்கொண்டு Apply செய்து ok பட்டனை கிளிக் செய்து இந்த தட்டை மூடிவிடுங்கள். Region and Language என்ற தட்டையும் ok செய்து மூடி விடுங்கள்.




12) இனி மறுபடியும் Region and Language Settings ஐ ஓப்பன் செய்து Change Keyboard Language என்ற ஆப்சனை திறந்துகொள்ளுங்கள். இப்பொழுது இந்த தட்டில் Default Input Language English (United State) US என்று வந்திருக்கும்.

சரி இனி கீழே உள்ள United Kingdom என்ற இடத்தை கிளிக் செய்து Remove என்ற பட்டனை அழுத்தி இந்த United Kingdom என்ற ஆப்சனை எடுத்துவிடுங்கள்.







13) இனி ok பட்டனை அழுத்தி இந்த தட்டையும் மூடிவிடுங்கள்.



இப்பொழுது நீங்கள் டைப் செய்து பாருங்கள்

உங்கள் கீபோர்டில் @ என்ற பட்டனை அழுத்தும்பொழுது சரியாக @ என்று டைப் ஆகும்.



நன்றி ! அன்புடன்: கான்


Tuesday, 8 November 2011

உங்கள் பைல்களை பாஸ்வேர்டு கொடுத்து பாதுகாத்து அதனை CD, DVD மற்றும் Pen Drive-ல் காப்பி செய்வது எப்படி ?








பின்னூட்டம் கொடுத்த நண்பர்கள் அனைவருக்கும் நன்றி !

நாம் ஆபீஸில் அன்றாடம் பயன்படுத்தும் முக்கியமான பைல்கள் மற்றும் நாம் காப்பி செய்து பயன்படுத்தும் ஆடியோ வீடியோ மற்றும் போட்டோக்கள் போன்றவற்றை மற்றவர் பயன்படுத்த முடியாத வகையில் பாஸ்வேர்டு கொடுத்து பூட்டி வைக்க எத்தனையோ மென்பொருள் இன்றைய காலத்தில் வந்துவிட்டது. இதில் சிறந்த மென்பொருள்கள் நமக்கு தேவை என்றால் பணம் கொடுத்து வாங்கினால்தான் அதனை முழுமையாக பயன்படுத்த முடியும் என்ற நிலை இன்று உள்ளது. மேலும் என்னதான் கம்ப்யூட்டரில் நாம் பாஸ்வேர்டு போட்டு நம் பைல்களை மறைத்து வைத்தாலும் சில முக்கிய பைல்களை CD, DVD அல்லது Pen Drive ல் காப்பி செய்யும்பொழுது அது மற்றவர் கையில் கிடைத்தால் அதனை அவர்கள் எளிதில் திறந்து பார்த்துவிட முடியும். இதற்க்கு தீர்வுதான் என்ன ?

உங்களுக்காகவே ஒரு சிறந்த இலவச மென்பொருள் வந்துவிட்டது. இதுதான் TrueCrypt என்ற மென்பொருள். இதனை http://www.truecrypt.org/ என்ற தளத்தில் இருந்து டவுண்லோடு செய்துகொள்ளலாம்.

இதன் மூலம் நீங்கள் உங்கள் கம்ப்யூட்டரிலோ அல்லது CD, DVD மற்றும் Pen Drive போன்றவற்றில் தாமதம் இல்லாமல் பைல்களை காப்பி செய்து எளிதாக பயன்படுத்தலாம்.

இந்த மென்பொருளை இன்ஸ்டால் செய்து பயன்படுத்துவது எப்படி என்ற விளக்கத்தை இந்த PDF பைல் மூலம் நீங்கள் எளிதாக தெரிந்துகொள்ளலாம்.

How To Install and Use TrueCrypt



- நன்றி ! அன்புடன்: கான்





Wednesday, 26 October 2011

விண்டோஸ் எக்ஸ்பி இன்ஸ்டால் செய்த பிறகு கம்ப்யூட்டர் டிரைவர்ஸ் அப்டேட் செய்வது எப்படி ?





விண்டோஸ் எக்ஸ்பி இன்ஸ்டால் செய்வது பற்றிய விளக்கம் இந்த பதிவில் சென்று பாருங்கள் விண்டோஸ் எக்ஸ்பி இன்ஸ்டால் செய்வது எப்படி ?


ஒரு கம்ப்யூட்டரில் விண்டோஸ் எக்ஸ்பி இன்ஸ்டால் செய்வது எவ்வளவு முக்கியமோ அதுபோல இஸ்டாலேசன் முடிந்த பிறகு அதன் டிரைவர்ஸ் அப்டேசன் மிக மிக முக்கியம். டிரைவர்ஸ் அப்டேசன் செய்ய உங்களுக்கு தெரியவில்லை என்றால் விண்டோஸ் எக்ஸ்பி இன்ஸ்டால் செய்வதால் எந்த பயனும் இல்லை.

சரி இந்த டிரைவர் அப்டேசனால் என்ன பயன் ?

உங்கள் கம்ப்யூட்டர் ஸ்பீகர், வீடியோ டிஸ்பிளே, யூ.எஸ்.பி டிரைவ் மற்றும் இண்டெர்நெட் அனைத்தும் சரியாக இயங்கவேண்டும் என்றால் இந்த டிரைவர் அப்டேசனை சரியாக செய்தாகவேண்டும்.http://tamilcomputertips.blogspot.com

பொதுவாக நீங்கள் பிராண்டட் கம்ப்யூட்டர் வாங்கும்பொழுது இந்த டிரைவர் அப்டேசனை பற்றிய பிரச்சனை கொஞ்சம் குறைவு.


ஏனென்றால் ஒவ்வொரு பிராண்டர் கம்ப்யூட்டருக்கும் ஒரு இணைய தளம் இருக்கிறது.



HP
DELL
SAMSUNG
THOSHIBA
LENOVA
ACER

இந்த ஒவ்வொரு பிராண்ட் பெயரையும் நீங்கள் கிளிக் செய்தால் அதனுடைய இணைய தளத்தை நீங்கள் பார்க்கலாம்.

முன்பெல்லாம் பிராண்டட் கம்ப்யூட்டர்களை விலைக்கு வாங்கும்பொழுது  டிரைவர் CD ஒன்று அந்த கம்ப்யூட்டர் பேக்கிங் உடன் கொடுத்து விடுவார்கள். ஆனால் இப்பொழுது கம்ப்யூட்டர் டிரைவர் CD அதன் பேக்கிங் உடன் வருவதில்லை. User Manual ல் அந்த பிராண்ட் கம்ப்யூட்டரின் இணைய தளம் முகவரியை மட்டுமே குறிப்பிட்டு இங்கு சென்று டிரைவரை அப்டேட் செய்துகொள்ளுங்கள் என்று சொல்லிவிடுகிறார்கள். எனவே கம்ப்யூட்டர் டிரைவர்களை அப்டேட் செய்வதை பற்றி நாம் முக்கியமாக தெரிந்துகொள்ள வேண்டும்.

மேலே கொடுக்கப்பட்ட ஒவ்வொரு பிராண்ட் இணைய தளத்திலும் Support & Drivers என்ற பகுதிக்கு சென்றால் நீங்கள் உங்கள் கம்ப்யூட்டர் மாடலுக்கு தகுந்த ஆடியோ, வீடியோ மற்றும் அனைத்து விதமான டிரைவர்களையும் அங்கிருந்து டவுண்லோடு செய்து உங்கள் கம்ப்யூட்டரில் இன்ஸ்டால் செய்துகொள்ளலாம்.

சரி பிராண்டட் கம்ப்யூட்டர் இல்லாமல் அசெம்பிள் கம்ப்யூட்டராக இருந்தால் நாம் எப்படி அதன் டிரைவரை இணையத்தில் இருந்து டவுண்லோடு செய்வது ?
http://tamilcomputertips.blogspot.com

பொதுவாக நாம் பிராண்டட் கம்ப்யூட்டர் பயண்படுத்தினாலும் அசெம்பிள் கம்ப்யூட்டர் பயன்படுத்தினாலும் அதில் Intel Chip set மற்றும் Intel Mother Board போன்றவையே பயன்படுத்தப்படுகிறது. அதனால் நீங்கள் அசெம்பிள் கம்ப்யூடருக்கு அதன் டிரைவர்களை அப்டேட் செய்யவேண்டி இருந்தால் www.intel.com என்ற இணைய தளம் சென்றாலே போதும்.   இங்கு உங்கள் கம்ப்யூட்டரின் Mother Board மற்றும் Processor க்கு தேவையான அனைத்து டிரைவர்களும் கிடைக்கும்.

சரி நம் கம்ப்யூட்டரில் இணைக்கப்பட்டுள்ள இந்த Intel Mother Board என்ன மாடல் என்பதை நாம் எப்படி தெரிந்துகொள்வது ?

உங்கள் கம்ப்யூட்டரில் Start Menu வில் Run என்பதை கிளிக் செய்து msinfo32.exe என்று டைப் செய்து எண்டரை அழுத்துங்கள். உடனே ஒரு தட்டு ஓப்பன் ஆகும். அதில் உங்கள் கம்ப்யூட்டரில் என்ன மாடல் Mother Board இணைக்கப்பட்டுள்ளது என்ற விபரங்களை நீங்கள் தெரிந்துகொள்ளலாம். அதன் பிறகு அந்த மாடலுக்கு தகுந்த மாதிரி Intel இணைய தளத்தில் நீங்கள் டிரைவர்களை டவுண்லோடு செய்துகொள்ளலாம்.

இவை அனைத்தும் நீங்கள் புதிதாக ஒரு கம்ப்யூட்டரை பார்மெட் செய்து இண்ஸ்டால் செய்யும் பொழுது கவனிக்க வேண்டிய விசயங்கள் மட்டுமே.

 ஆனால் பழைய கம்ப்யூட்டரை நீங்கள் பார்மெட் செய்து இன்ஸ்டால் செய்யவேண்டும் என்றால் முதலில் நீங்கள் பார்மெட் செய்வதற்கு முன்னால் அந்த டிரைவர்களை காப்பி எடுக்கவேண்டும். அதாவது Driver Backup என்பது பழைய கம்ப்யூட்டரை பார்மெட் செய்வதற்கு முன்னால் மிக அவசியமான ஒன்றாகும்.

இந்த டிரைவரை பேக்கப் செய்வதற்கு இலவசமாக சில மென்பொருள்கள் இணையத்தில் கிடைக்கிறது. அதன் மூலம் நீங்கள் டிரைவரை பேக்கப் செய்துகொள்ளலாம்.

இந்த லிங்க் மூலம் நீங்கள் Driver Max என்ற மென்பொருளை டவுண்லோடு செய்து ஒரு USB Pen Drive ல் அதனை வைத்துக்கொள்ளுங்கள். 
Drive Max for Driver Backup

பழைய கம்ப்யூட்டர் எதுவானாலும் அதனை பார்மெட் செய்வதற்கு முன்னால் நீங்கள் இந்த Drive Max மென்பொருளை இண்ஸ்டால் செய்து இதன் மூலம் Drivers ஐ காப்பி செய்து அதனை அந்த USB Pen Drive ல் சேமித்துக்கொண்டு பிறகு பார்மெட் செய்யுங்கள். பிறகு விண்டோஸ் இன்ஸ்டால் செய்த பிறகு இந்த Drive Max ஐ மறுபடியும் இன்ஸ்டால் செய்து நீங்கள் காப்பி செய்து வைத்த Drivers ஐ Update செய்துகொள்ளுங்கள்.

இந்த டிரவர்ஸ் அப்டேசன் பற்றிய கூடுதல் தகவலுக்கு என் ஈமெயில் முகவரியை தொடர்புகொள்ளுங்கள்.


நன்றி ! அன்புடன்: கான்

Sunday, 18 September 2011

நீங்க லேப்டாப் வாங்க போரீங்களா உங்களுக்காக சில டிப்ஸ்...



Desktop Computer மட்டுமே பயன்படுத்தும் பல பேருக்கு எப்படியாவது ஒரு லேட்ப்டாப் வாங்கிவிடவேண்டும் என்று நீண்ட கால கனவு ஒன்று இருக்கத்தான் செய்யும்.

அப்படி கனவு காணும் பலருக்கு பணம் பட்ஜெட் பற்றாக்குறை பிரச்சனையால் லேப் டாப் வாங்க முடியாமல் கால நேரம் தள்ளிபோக்கொண்டிருக்கும்.

ஆனால் சிலருக்கு ஒரு லேப்டாப் வாங்கும் அளவுக்கு பணம் இருந்தும் நம்மால் ஒரு தரமான லேப்டாப்பை பார்த்து வாங்க முடியாது அப்படி வாங்க வேண்டுமென்றால் நல்ல கணினி அறிவு உள்ள ஒரு நண்பர் நம்முடன் ஒன்றாக வரவேண்டுமே அவரை நாம் எங்கு தேடி பிடிப்பது யாரை நம்புவது என்று தெரியாமல் லேப்டாப் வாங்கும் படலம் தள்ளிப்போய்க்கொண்டிருக்கும்.
http://tamilcomputertips.blogspot.com/

இனி கவலை வேண்டாம் இந்த பதிவு உங்களுக்காகத்தான். நீங்களே தனியாக தைரியமாக சென்று ஒரு தரமான லேப்டாப்பை உங்கள் பட்ஜெட்டுக்கு தகுந்த மாதிரி வாங்கி வரலாம்.

லேப்டாப் வாங்க வேண்டும் என்றால் முதலில் உங்கள் பட்ஜெட்டுக்கு தகுந்த மாதிரியான லேப்டாப் பிராண்ட் எதனை வாங்குவதென்று தீர்மானித்துக்கொள்ளுங்கள்.

சிறந்த பிராண்ட் லேப்டாப் வாங்கவேண்டுமென்றால் முதலில் இங்கு கொடுப்பட்டுள்ள சிறந்த பிராண்டில் எந்த பிராண்டை வாங்கவேண்டுமென்று முடிவுசெய்துகொள்ளுங்கள்.....


SONY
HP
DELL
SAMSUNG
THOSHIBA
LENOVA
ACER

சரி இனி நீங்கள் வாங்கப்போகும் இந்த பிராண்ட் லேப்டாப்புகளில் எந்தெந்த விசயத்தை கவனமாக பார்க்கவேண்டும் என்று தெரிந்துகொள்ளுங்கள்...

Laptop Configuration

Processor

Processor என்பது அனைத்து லேப்டாப் Mother Board களிலும் மிக முக்கியமாக பொருத்தக்கூடிய சதுரமான ஒரு சிப். இந்த Processor இன்றைய மார்கெட்டில் அதிக தரம் உள்ளதாக விற்பனையில் உள்ளது Intel Core i7. அடுத்ததாக Intel Core i5 அடுத்ததாக Intel Core i3 என்பதாகும்.

எனவே நீங்கள் விலை கூடுதலான ஒரு லேப்டாப்பை வாங்க வேண்டுமென்றால் முதலில் நல்ல ஒரு பிராண்டை தேர்ந்தெடுத்துக்கொண்டு இந்த Processor ஐ

Intel Core i7
Intel Core i5
Intel Core i3

என்ற வரிசையில் உங்கள் பட்ஜெட்டுக்கு தகுந்த மாதிரி ஒன்றை தேர்ந்தெடுத்துக்கொள்ளுங்கள்.

இந்த மூன்று வகையான Core வரிசையில் உள்ள Processor களில் ஒன்று உங்கள் பட்ஜெட்டுக்கு விலை கூடுதல் என்று நீங்கள் நினைத்தால் இவைகளை விட திறன் குறைந்த Intel Core 2 Duo அல்லது Intel Dual Core என்ற Processor ஐ நீங்கள் தேர்ந்தெடுக்கலாம்.
http://tamilcomputertips.blogspot.com/

இதை விட தரம் குறைவான Processor ஐ நீங்கள் தேர்ந்தெடுத்தால் அது இன்றைய நவீன டெக்னாலஜிக்கு பொருத்தமானதாக இருக்காது.

Intel® Core™ i7-640M Processor 2.80 GHz

அடுத்ததாக இங்கு மேலே காண்பதுபோல் இந்த Processor உடன் 2.80 GHz என்று குறிப்பிடு இருப்பதை போல நீங்கள் வாங்கும் லேப்டாப்பிலும் ஒரு நம்பருடன் GHz என்று குறிப்பிட்டு இருக்கும். இந்த நம்பரையும் நீங்கள் கவணமாக பார்க்கவேண்டியது மிக அவசியம். ஏனென்றால் இந்த 2.80 GHz என்பதை விட 2.00 GHz அல்லது 1.60 GHz என்பதன் Processor வேகம் மிக குறைவானது. 2.00 GHz லேப்டாப் மாடலை விட 2.80 GHz லேப்டாப் மாடலின் விலை குறைவானதாக இருக்குமேயானால் வேறு எந்த டெக்னாலஜி இதில் இல்லை என பார்க்கவேண்டியது அவசியம்.

RAM

அடுத்ததாக மிக முக்கியமான விசயம் RAM. நீங்கள் கம்ப்யூட்டரை திறந்த பிறகு ஒன்றுக்கு மேற்பட்ட புரோகிராம்களை பயன்படுத்தும்பொழுது கம்ப்யூட்டரின் வேகம் குறைந்துவிடாமல் பாதுகாப்பதில் இந்த RAM மிக முக்கிய பங்கு வகுக்கிறது. அதனால் இன்றைய அட்வாண்ஸ் புரோகிராம்களை பயன்படுத்த நினைக்கும் நீங்கள் குறைந்தது 2 GB RAM இருக்கிறதா என பார்த்துக்கொள்ளுங்கள். (4 GB RAM இருந்தால் சிறந்தது) இதில் இன்னொரு முக்கியமான விசயம் DDR3 என்ற அட்வாண்ஸ் டெக்னாலஜி கொண்ட RAM நீங்கள் வாங்கும் லேப்டாப்பில் பொருத்தப்பட்டுள்ளதா என கேளுங்கள். ( பொதுவாக விலை குறைந்த லேப்டாப் வாங்கும்பொழுது அதில் DDR2 RAM மட்டுமே பயன்படுத்தப்படுகிறது).

HARD DISK

அடுத்தாக நீங்கள் கவனிக்கவேண்டியது இந்த ஹார்ட் டிஸ்க். பொதுவாக கம்ப்யூட்டரை பற்றிய விபரங்கள் அதிகம் அறியாதவர்கள் கம்ப்யூட்டரின் இயங்கும் வேகம் அதில் பொருத்தப்படும் ஹார்ட் டிஸ்கின் அளவை பொருத்துதான் உள்ளது என தவறாக என்னுகிறார்கள். கம்ப்யூட்டர் இயங்கும் வேகத்திற்கும் இந்த ஹார்ட் டிஸ்கின் அளவுக்கும் எந்த வித சம்பந்தமும் இல்லை. ஆனால் இன்றைய மென்பொருள்களின் அதி வேக வளர்ச்சியின் காரணமாக நாம் ஹார்ட் டிஸ்க் அளவிலும் கொஞ்சம் கவணம் செலுத்த வேண்டி உள்ளது.

நீங்கள் கோரல்ட்ரா, போட்டோசாப் போன்ற போட்டோ டிசைனிங் மென்பொருள் மற்றும் வீடியோ டிசைன் செய்யும் மென்பொருள்களை இன்ஸ்டால் செய்து பயன்படுத்துபவராக இருந்தால் மற்றும் உங்களுக்கு விருப்பமான ஆடியோ வீடியோ பைல்களை உங்கள் லேப்டாப்பில் காப்பி செய்து வைத்து பயன்படுத்தும் பழக்கம் உள்ளவராக இருந்தால் உங்கள் ஹார்ட் டிஸ்கின் அளவு குறைந்தது 320 GB இருக்கவெண்டும்.

ஆடியோ வீடியோ கம்ப்யூட்டரில் காப்பி செய்ய தேவை இல்லை என்றால் 160 GB போதுமானது.

எனக்கு எந்த தேவையும் இல்லை மைக்ரோசாப் ஆபீஸ் மட்டும் தான் பயன்படுத்துவேன் அடுத்ததாக நான் இண்டெர்நெட் பயன்படுத்துவேன் அதோடு யூடுப் பயன்படுத்துவேன் என்று நீங்கள் சொல்பவராக இருந்தால் உங்களுக்கு 80 GB ஹார்ட் டிஸ்க் என்பதே மிக அதிகம்.

பொதுவாக இந்த ஹார்ட் டிஸ்குகளில் நீங்கள் பார்க்கவேண்டிய இன்னொரு விசயம் அதன் வேகம். SPEED 7200 RPM அல்லது SPEED 5400 RPM போன்றவை மிக சிறந்தது. இதனை விட நீங்கள் வாங்கும் லேப்டாப்பில் ஹார்ட் டிஸ்க் ஸ்பீடு குறைந்ததாக இருந்தால் அங்கு இருப்பதில் எது கூடுதலாக RPM என்பதை தேர்ந்தெடுங்கள்.

DVD DRIVE

நீங்கள் மேலே குறிப்பிட்டது போன்று பிராண்டட் லேப்டாப் வாங்கும்பொழுது DVD டிரைவை பற்றி அதிக கவணம் எடுக்க தேவை இல்லை. ஏனென்றால் பிராண்டட் லேப்டாப்புகளில் அதற்கு பொருத்தமான தரமிக்க DVD டிரைவ் பொருத்தி இருப்பார்கள். இந்த டிரைவில் SuperDrive 8x(DVDR DL/DVDRW/CD-RW) என்பது போன்ற குறிப்பு இருக்கிறதா என பார்த்துக்கொள்ளுங்கள்.

GRAPHIC CARD

பொதுவாக விலை குறைந்த லேப்டாப் அல்லது டிஸ்கவுண்ட் விலைகளில் கிடைக்கும் லேப்டாப்புகளில் இந்த கிரபிக் கார்டு இணைந்திருப்பது இல்லை. கீராபிக் கார்டு இணைக்கப்பட்டுள்ளது என்று அந்த லேப்டாப் குறிப்பில் எழுதப்பட்டிருந்தால் அது மற்ற லேப்டாப்பை விட விலை கூடுதலாகவே இருக்கும்.

சரி இந்த கிராபிக் கார்டு இணைந்திருப்பதால் நமக்கு என்ன பயன் ?

நீங்கள் வீடியோ அனிமேசன் மற்றும் போட்டோசாப், கோரல்ட்ரா டிசைனிங் செய்பவராக இருந்தால் மற்றும் வீடியோ கேம் அதிகம் பயன்படுத்துபவராக இருந்தால் உங்களுடைய லேப்டாப்பில் கிராபிக் கார்டு இணைந்திருப்பது மிக அவசியமான ஒன்று. அல்லது உங்கள் லேப்டாப்பில் அதிக தெளிவுமிக்க வீடியோ (HD High Definition Video) படங்களை பார்க்கவேண்டும் மற்றும் ஸ்டீரியோ இசையுடன் தெளிவான ஆடியோ பாடல்களை கேட்கவேண்டும் என்ற ஆர்வம் கொண்டவராக நீங்கள் இருந்தால் இந்த கிராபிக் கார்டு இணைந்துள்ள லேப்டாப் நீங்கள் வாங்குவது சிறந்தது.

இந்த கிராபிக் கார்டு இணைந்த லேப்டாப்பை நீங்கள் வாங்கும்பொழுது இன்னொரு முக்கியமான விசயத்தையும் பார்க்கவேண்டியது அவசியம். அதாவது இந்த கிராபிக் கார்டு Dedicated Graphic அல்லது Integrated graphics (shared memory) என இரண்டு வகைகளில் லேப்டாப்பில் பொருத்தப்படுகிறது.

இதில் Dedicated Graphic என நீங்கள் வாங்கும் லேப்டாப்பில் எழுதப்பட்டிருந்தால் இதுவே சிறந்தது.

இந்த Dedicated Graphic Card உங்கள் லேப்டாப்பில் இணைக்கப்பட்டிருந்தால் நீங்கள் அதிக கெபாசிடி உள்ள ஒரு வீடியோ கேம் விளையாடும் நேரத்தில் அந்த வீடியோ கேமுக்கு தேவையான மெமரியை இந்த Dedicated Graphic Card கொடுப்பதால் கம்ப்யூட்டர் எந்த விதத்திலும் வேகம் குறைவது இல்லை. கம்ப்யூட்டர் மெமரி அப்படியே இருக்கும். இதனால் வீடியோ கேம் இயங்குவதில் தடை எதுவும் ஏற்படாது.

ஆனால் Integrated graphics (shared memory) என்று குறிப்பிட்டுள்ள லேப்டாப் நீங்கள் வாங்கினால் இந்த வீடியோ மெமரி உங்கள் கம்ப்யூட்டரின் வேகத்தில் அதிக இடத்தை எடுத்துக்கொள்வதால் அதிக கெபாசிடி உள்ள வீடியோ கேம் விளையாடும்பொழுது கம்ப்யூட்டர் மெமரி குறைந்து கம்ப்யூட்டர் எரர் ஆக வாய்ப்பு இருக்கிறது.

அதனால் நீங்கள் 3D வீடியோ கேம் போன்ற அதிக கெபாசிடி உள்ள கிராபிக் பயன்படுத்துபவராக இருந்தால் உங்கள் லேப்டாப்பில் Dedicated Graphic Card இணைந்துள்ளதா என பார்த்துக்கொள்ளுங்கள்.http://tamilcomputertips.blogspot.com/

போட்டோசாப், கோரல்ட்ரா மற்றும் சின்ன சின்ன கிராபில் சாப்ட்வேர்கள் பயன்படுத்துபவராக இருந்தால் Integrated graphics (shared memory) உள்ள லேப்டாப் வாங்கினால் போதும்.

Operating System ( OS)

விலை அதிகம் உள்ள லேப்டாப் வாங்க நினைக்கும் நீங்கள் இந்த ஆபரேடிங் சிஸ்டத்தில் கவனக்குறைவாக இருந்துவிடாதீர்கள்.  ஏனென்றால் எல்லாம் சரியாக இருந்து ஆபரேடிங் சிஸ்டம் சரி இல்லை என்றால் லேப்டாப் பயன்படுத்துவதே சிரமம் என்று ஆகிவிடும்.

இப்பொழுதெல்லாம் அட்வான்ஸ் லேப்டாப்களில் Widows 7 ஆபரேடிங்க் சிஸ்டம்தான் இன்ஸ்டால் செய்து விற்பனை செய்கிறார்கள். ஆனால் இந்த Winsows 7 ல் பல வித்தியாசம் இருக்கிறது.

Windows 7 Ultimate
Windows 7 Professional
Windows 7 Home Premium
Windows 7 Home Basic
Windows 7 Starter version

இப்படி விண்டோஸ் 7 வெரிசனில் பல வகை உண்டு.

இதில் Windows 7 Ultimate மற்றும் Windows 7 Professional இவை இரண்டும் மிகச்சிறந்தது என்றாலும் இந்த வெரிசன் இணைக்கப்பட்ட லேப்டாப்புகள் மற்றவற்றை விட விலை மிக அதிகமாக இருக்கலாம். இருப்பினும் இதற்கு அடுத்ததாக மிக சிறப்பாக செயல்படக்கூடிய Windows 7 Home Premium வெரிசனையாவது நாம் வாங்குவது மிக சிறந்தது. மேலும் இதில் 64 Bit என்ற வெரிசனை தேர்ந்தெடுங்கள். Windows 7 Home Premium 32 Bit ஐ விட Windows 7 Home Premium 64 Bit கிராபிக் மென்பொருள் பயனடுத்துவதற்கு மிக சிறந்தது.  http://tamilcomputertips.blogspot.com/

Widows 7 Home Basic மற்றும் Windows 7 starter Version இவை இரண்டிலும் நீங்கள் எந்த வித நவீன மென்பொருளையும் ( Software) சிறப்புடன் பயன்படுத்த முடியாது.  
 


அடுத்ததாக புதிய வகை லேப்டாப்புகளில் மைக் வெப் கேம் அனைத்தும் இணைந்தேதான் வருகிறது.இருப்பினும் இவை உள்ளனவா என பார்த்துக்கொள்ளுங்கள்.

நீங்கள் உங்கள் லேப்டாப்பை LCD அல்லது LED T.V யில் HDMI வீடியோ கேபிள் மூலம் இணைத்து பயன்படுத்த விரும்பினால் நீங்கள் வாங்கும் லேப்டாப்பில் HDMI Port உள்ளதா என பார்த்துக்கொள்ளுங்கள்.Memory Card Slot, Front Mic, Audio, SRS Speaker System இவை இணைந்ததா என பார்த்துக்கொள்ளுங்கள்.

இது தவிர நீங்கள் வாங்கும் லேப்டாபுக்கு இலவசமாக கிடைக்கும் மவுஸ் மற்றும் லேப்டாப் பேக் கிடைக்கிறதா என கேட்டுக்கொள்ளுங்கள்.


நன்றி ! அன்புடன்: கான்




Sunday, 11 September 2011

மைக்ரோசாப்ட் ஆபீஸ் பவர்பாயிண்ட் பாடம் 5



பவர் பாயிண்ட் மூலம் அனிமேசன் சிலேடுகள் உருவாக்குவது எப்படி ?





முதலில் பாடம் 4 ல் சொன்ன முறைப்படி நீங்கள் பவர் பாயிண்டில் ஒரு சிலேடை உருவாக்கிக்கொள்ளுங்கள்.



அடுத்து அந்த சிலேடின் மேல் உங்கள் மவுசை வைத்து வலதுபக்கம் கிளிக் செய்து Copy என்ற இடத்தை கிளிக் செய்யுங்கள்.





அடுத்து அதன் கீழே மவுசை வைத்து வலது பக்கம் கிளிக் செய்து Paste என்ற இடத்தை கிளிக் செய்யுங்கள்.


உடனே இதுபோல் உங்களுக்கு இரண்டு தட்டு கிடைத்துவிடும்.






இனி இந்த இரண்டாவது தட்டில் உங்களுக்கு தேவையான வேறு சில தகவல்களை டைப் செய்து மாற்றிக்கொள்ளுங்கள்.






இனி முதலாவதாக உருவாக்கிய தட்டை கிளிக் செய்துகொண்டு மேலே உள்ள தலைப்பில் Animation என்ற இடத்தை கிளிக் செய்யுங்கள்.  அந்த அனிமேசன் ஆப்சனில் உங்களுக்கு விருப்பமான அனிமேசன் ஒன்றை செலெக்ட் செய்துகொள்ளுங்கள்.







அடுத்து அந்த அனிமேசன் ஆப்சனின் வலதுபக்கம் உள்ள Transition Sound என்ற இடத்தில் உங்களுக்கு தேவையான சவுண்ட் ஒன்றை தேர்ந்தெடுங்கள்.

அடுத்து நம்பர் 6 ல் Automatic After என்ற இடத்தில் டிக் செய்து அதன் அருகில் உள்ள டைமில் 00.01  என மாற்றிக்கொள்ளுங்கள்.





இனி Slide Show என்ற ஆப்சனை கிளிக் செய்து Setup Slide Show என்பதை கிளிக் செய்யுங்கள்.


இந்த Setup Slide Show ஆப்சனில் Lope Continuously Until "Esc" என்ற இடத்தில் டிக் செய்து OK பட்டனை கிளிக் செய்யுங்கள். ( இந்த Lope Continuously இடத்தில் டிக் செய்வதால் உங்கள் அனிமேசன் முடிந்த உடன் நிற்காமல் திரும்ப திரும்ப ஓடிக்கொண்டே இருக்கும்)



அடுத்து முதல் சிலேடுக்கு நீங்கள் சவுண்ட் மற்றும் டைம் செட்டப் செய்ததுபோல் இரண்டாவது சிலேடையும் செலெக்ட் செய்து சவுண்ட் மற்றும் டைம் செட்டப் செய்துகொள்ளுங்கள்.


இனி தலைப்பின் மேலே உள்ள Office Button ஐ கிளிக் செய்து Save As சென்று Power Point Slide Show என்பதை கிளிக் செய்யுங்கள்.



அடுத்து வரும் தட்டில் உங்கள் அனிமேசனுக்கு ஒரு பெயரை டைப் செய்து Save பட்டனை கிளிக் செய்யுங்கள்.




அவ்வளவுதான். இனி உங்கள் டெக்ஸ்டாப்பில் வந்திருக்கும் Animation Power Point show பைலை கிளிக் செய்து பாருங்கள் நீங்கள் உருவாக்கிய அனிமேசன் நிற்காமல் அடுத்து அடுத்து சிலேடுகள் மாறிக்கொண்டு இருக்கும்.

உங்கள் அனிமேசனில் இருந்து வெளியேற Esc என்ற பட்டனை கீ போர்டில் அழுத்துங்கள்.


- நன்றி ! அன்புடன்: கான்

Wednesday, 7 September 2011

மைக்ரோசாப்ட் ஆபீஸ் பவர்பாயிண்ட் பாடம் 4

உங்கள் எழுத்துக்களுக்கு இதுபோல் டிசைனை கொண்டுவருவது எப்படி ?




Tuesday, 16 August 2011

மைக்ரோசாப்ட் ஆபீஸ் பவர்பாயிண்ட் பாடம் 3


நீங்கள் உருவாக்கிய டாக்குமெண்டில் பார்டர் லைன் கொண்டுவருவது எப்படி ?



மைக்ரோசாப்ட் ஆபீஸ் பவர்பாயிண்ட் பாடம் 2





மைக்ரோசாப்ட் ஆபீஸ் பவர்பாயிண்ட் பாடம் 1








Tuesday, 5 July 2011

மைக்ரோசாப்ட் ஆபீஸ் எக்ஸெல் - பாடம் 17































































மைக்ரோசாப்ட் ஆபீஸ் எக்ஸெல் - பாடம் 16







மைக்ரோசாப்ட் ஆபீஸ் எக்ஸெல் - பாடம் 15

மைக்ரோசாப்ட் ஆபீஸ் எக்ஸெல் - பாடம் 14

மைக்ரோசாப்ட் ஆபீஸ் எக்ஸெல் - பாடம் 13

மைக்ரோசாப்ட் ஆபீஸ் எக்ஸெல் - பாடம் 12

மைக்ரோசாப்ட் ஆபீஸ் எக்ஸெல் - பாடம் 11

மைக்ரோசாப்ட் ஆபீஸ் எக்ஸெல் - பாடம் 10

மைக்ரோசாப்ட் ஆபீஸ் எக்ஸெல் - பாடம் 9

மைக்ரோசாப்ட் ஆபீஸ் எக்ஸெல் - பாடம் 8

மைக்ரோசாப்ட் ஆபீஸ் எக்ஸெல் - பாடம் 7

மைக்ரோசாப்ட் ஆபீஸ் எக்ஸெல் - பாடம் 6